| 病左......感冒... 喉嚨好痛呀! 感謝我親愛既海廸照顧左我兩日 BO 遲來的生日快樂~ 禮物鐘唔鐘意呢=W= 好想同你一齊慶祝喔! 唯有等下次吧! |
| |
| 要番澳洲喇! 今次番黎香港發生左好多事 好多野都唔同左 不過好多都好開心 發生過D咩就唔寫喇~ 就留番做我同各位朋友既回憶啦!( 講得好聽 其實係懶得打) 之前驚番黎之後同朋友會變生疏亦原來都係我多心 有D唔捨得.... 下次番黎係11月 3個幾月既時間 可能係好短 但對我黎講又可能係好長 因為我太想大家喇! 期待下次番黎 再一次多謝我最愛既朋友 雖然短暫 但真係一個好好既假期 同你地一齊總可以令我覺得無憂無累 thanks 今次見唔到同埋冇見到而又冇忘記我既朋友 我都好期待下次可以番黎同你地見面 因為今次得2個星期 而且有好多時候都約左人 所以應唔到約 唔好意思 下次再約吧! 呢個假期又係第一次同女朋友番黎渡假 同佢過得實在太開心喇! 一齊既時間開心到令我有少少唔記得自己係邊個 原來 係澳洲拍拖同係香港拍拖係好唔同嫁!!! 我亦發覺自己越黎越x佢 開始都出我既估計 好想再同佢一齊渡過好多好多好多美好既假期呀!!!!! |
| |
| 各位朋友 我要番黎喇!!!!!! 7月3日 就係朕強勢回歸既日子! 哈~ XANGA冇寫好多個月喇! 考緊試 遲D應該會慢慢開始寫番 |
| |
| 2個幾月冇ON 今日終於上到網喇! 事關搬左屋 上網間公司鬼咁廢 本來2星期變左2個幾月 一ON MSN 好多人以為我死左 所以係度向大家報報平安 仲有既係 我好掛住掛住死剷仲有各位友人呀!!!!!!!!!!!!!!!!!! 雖然我呢度既生活唔錯 但我冇一日係唔掛住你地嫁! 好想好想好想早D見到你地 所以6月"可能"提早番黎 寫住咁多先 聽日仲要番學 早抖^^" |
| |
| 我真失敗 竟然把那個廸寫成那個迪 原來係冇一點嫁... 我枉為人... 星期日應該係好休閒咁過 12點幾出左去city搵海廸同helen 成日都係係city閒逛 飲下珍珠奶茶咁 食左果次食果間既日韓料理 真係唔錯! 去後去廸果度坐左陣就番左屋企喇! 夜晚既活動就係 同J神鋤dee=_= 聽日同星期二都係番下晝 三到五就係上晝 真爽!
好想打麻將呀! 奈何去左north bridge睇 買副麻將又要100幾aud 一張麻將枱又要100幾aud 加加埋埋成千6到千7hkd 真嚇人既價錢=_= 麻將都係搵人係香港寄或者上網買算喇 麻將枱我home parents話可以幫買 120蚊以下 張枱咁大張 唯有係度買吧! 我美好既聖誕假 一定要有牌打!!! 而且新居一定有副麻將 所以逼於無奈下都會買 最多第時慳d洗既姐=_= |
| |
